Jagermeister var ansi stórt verkefni með sjóðheitum leikstjóra sem heitir Seb Edwards, hjá Academy film í London.

Hugmyndin var að brimbretta gaurar færu í vetrarferð og leggja mikið á sig til að komast á ís – og snjó slóðir til að sigla á brettum og enda þeir í Jökulsárlóni með brettin.

Myndatökur fóru aðallega fram fyrir norðan , en farið var hringinn um landið. Sagt er að þetta hafi verið einhver rosalegasta og erfiðustu aðstæður sem kvikmyndatökumenn hafa komist í við töku á auglýsingu.

Jägermeister er orð úr þýsku og þýðir meistari í veiðum. Sá sem leiðir aðra veiðimenn og stjórnar þeim til að veiða bráðina alveg síðan 1934 þá voru slíkar veiðikeppnir haldnar í Þýskalandi

Fyrst um sinn var þessi góði snaps kallaður „Göring-Schnaps“.

Þessi drykkur hefur verið alveg algjörlega eins síðan þá en í Þýskalandi og öðrum löndum prófuðu þeir að vera með 3 mismunandi bragðtegundir af honum, en það varð ekki mjög vinsælt.

Mælt er með því að drekka  Jägermeister  vel kældan helst −18 °C (0 °F)

Hægt er að fá þennan vinsæla snaps á öllum helstu börum heims og hérna heima líka auðvitað og í ÁTVR þá í 5 mismunandi stærðum eins og sjá má á myndunum hér að ofan.

Við birtum í gær uppskriftir af girnilegum og einföldum réttum til að hafa, til að mynda,  í fermingarveislum. Hér eru fleiri uppskriftir frá henni Guðbjörgu sem henta alveg einstaklega vel á eftirréttaborðið í veislunni.

Rocky road

600 gr súkkulaði (gott að nota 500gr rjómasúkkulaði og 100gr suðusúkkulaði)
Poki Pistasíukjarnar
100 gr salthnetur
Poki dumle karmellur-skornar til helminga
10 stk rolo
Þykk Karmellusósa, kæld

Súkkulaði er brætt yfir vatnsbaði, karmellur skornar í bita ásamt hnetum. Bökunarplata klædd með bökunarpappír, súkkulaðiblandan er smurð á plötuna og leyft að kæla sig í um 20 mínútur.

Brotið í bita.

 ——————

 Súkkulaði og hnetusmjörsbollakökur

1 pk devils foodcake mix
1 pk Royal súkkulaðibúðingsmix
1 bolli sýrður rjómi
1 bolli rapsolía
4 egg
2 tsk vanilla
½ bolli volgt vatn

24 stk, það nammi sem þig lystir. T.d.ReesesPeaces, Peaunutbuttercups, Galaxy, Rolo eða Villiköttur. Skorið til helminga/litla bita.

Allt sett saman í hrærivél nema sælgætið- kökumix, Royal búðingsmix, sýrður rjómi, olía, egg, vatn og vanilla. Kökudeig sett til helminga í möffinsform og nammið sett í miðjuna, kökudeig sett yfir.

Bakað við 180 gráður í 22-24 mínútur

Hnetusmjörskrem: 

340 gr smjör við stofuhita
1 bolli „creamy peanutbutter“
2 tsk vanilla
2 bollar Flórsykur
6-8 msk rjómi

Súkkulaðigljái

113 gr suðusúkkulaði
½ bolli rjómi
2 msk hunang
2 msk vanilla
2 msk síróp

Allt sett í pott og bráðið, kælt áður en sett á kökurnar.

Red velved bollakökur

1 bolli hveiti2 msk kakó
½ tsk salt
⅔ bolli rapsolía
¾ bolli sykur
1 egg
1 tsk vanilla
2 msk rauður matarlitur
½ bolli súrmjólk
½ tsk matarsódi
¾ msk Borðedik

Krem

1 bolli rjómaostur
3 msk smjör
3 ¾ bolli flórsykur
2 tsk vanilla

Hræra hveiti, kakó og salt saman í hrærivél, siðan er eggjum, olíu og sykri bætt útí.

Vanilla og rauður matarlitur bætt við. Leyft að blandast saman þar til sykurinn hefur alveg blandast við deigið. Súrmjólkinni bætt við. Edik og matarsóda blandað saman í skál og bætt við deigið.

Pavlova

8 eggjahvítur
1 tsk sykur

Þeytt til stíft

Bæta varlega við 2 bollum sykri og þeyta vel

2 tsk majsmjöl
2 tsk vanillusykur
2 tsk ömmubaksturs edik

Þeyta vel

Á álpappir í ofnskúffu bakað í 6 min við 190 gráður slökkt á ofninum og það má alls ekki opna hann fyrr en morguninn eftir (gott að búa til kökuna fyrir svefn)

Líter rjómi þreyttur og kókosbolla blandað saman og smurt á kökuna, svo þeir ávextir sem þér finnst bestir.

Mér finnst best að nota:

Jarðaber
Bláber
Hindber/brómber
Kiwi
Mango 

Hersey’s súkkulaði, sýróp eða brætt súkkulaði látið dropa yfir allt saman

Falleg og bragðgóð rjómakaka

——————–

Það kemur líka ótrúlega vel út að húða jarðarber með hvítusúkkulaði eins og á þessar mynd:

Spínatlasagna

1 bolli olía
1 stór laukur
4 – 5 hvítlauksgeirar
10 meðalstórar kartöflur
600 gr. frosið spínat
1 ½ msk cumin
1 tsk múskat
1 tsk kóriander
Smá chilli
Lasagnaplötur 

Rifinn ostur

Raita sósa:

100 ml. hrein jógúrt (hægt að nota líka helming ab mjólk og helming sýrður rjómi)
1 – 2 hvítlauksrif
½ söxuð agúrka
½ lime-safinn
½ tsk salt
nokkur blöð kóriandar (ferskt)

Aðferð:

Sjóðið kartöflur en kælið ekki. Saxið laukinn og hvítlauk og setjið spínat saman við. Grófmerjið kartöflurnar og látið út í. Kryddið með múskati, cumin, salt og pipar, chilli og blandið vel saman. Spínat látið bráðna og losna í sundur. Látið í eldfast mót með lasagnaplötum á milli. Rifinn ostur yfir og bakið við meðalhita á ca 150°í 40 mín.

Berist fram með salati eða naanbrauði

Hér er komnar frábærar uppskriftir frá Guðbjörgu, fyrir veisluna. Við höfum verið að birta fleiri uppskriftir seinustu daga sem eru einfaldar og flottar fyrir þá sem vilja sjálfir sjá um matinn í veisluna.

Rjómalöguð kjúklingasúpa

Heill kjúklingur rifin svo strippaður af beinunum
5 l af vatni sett í pott (vatni bætt við eftir þörfum og tíma)
Kjúklingabeinagrindin sett ofaní, leyft að malla á lágum styrk eins lengi og þú hefur tíma. Því lengur því betra en 5 tímar hafa komið vel út, beinin sigtuð vel frá soðinu, lagt til hliðar.

Gul og rauð paprika
½ stór rauðlaukur
8-10 baby gulrætur
½ Púrrulaukur
2 græn chili
Gular baunir
1 dl hrísgrjón
Ca 1 tsk worchestire sósa
Sæt BBQ sósa (t.d masterpiece/sweet baby ray)
3-4 msk rjómaostur
1 dós niðursoðnir tómatar
2-3 tsk mango chutney
½ krukka taco sósa (ma sleppa)
Hrísgrjóna núðlur
1 tsk sýrður rjómi
Krydda vel með timjan, oregano og karrý
Salt, pipar,
½ l af rjóma bætt við

Kjúklingnum er bætt úti þegar ca. 10 mínútur eru eftir af eldunartímanum. Látið malla þar til allt er orðið súpuvænt.

Gott með hvítlauksbrauði

—————

Stór Mars-marengs

6 hvítur
150 gr sykur
150 gr púðursykur
Ca bolli Rice krispies

50 mín í 175 gráðum í miðjum ofni við blástur.

Krem

3 rauður
3 mars
60 gr sykur
70 gr smjör

Mars og smjör hitað í örbylgju, sykur og marsblandan hrærð saman í hrærivel

Ásamt eggjarauðunum.

 ——————

Kirsuberjaostakaka (Auðveld og bragðgóð ostakaka)

1 pk Lu kanilkex -mulið vel
200 gr brætt smjör

Sett í eldfast mót og kælt

1 pk blár rjómaostur
200 gr flórsykur

Þeytt vel saman

1 ½ peli rjómi þeyttur og blandaður varlega saman við.

Þegar kakan er sett á borðið, er sett „Den gammel dansk kirsubærsauce“ ofan á.

—————-

Karamelludöðlukaka með Pipp

Botn

4 egg
2,5 dl sykur
70 gr smjör
2,5 dl kókosmjöl
2,5 dl hveiti
2,5 dl saxaðar döðlur/valhnetur
100 gr suðursúkkulaði

Bakað við 180 gráður í 15-20 mínútur. Kæld

3,5 dl þeyttur rjómi og 100 gr saxað pipp

Karmella

1,5 dl rjómi
1 dl sykur
1,5 msk sýróp
2 msk smjör
1 tsk vanilla

Sykur settur a pönnu og leyft að gulna, smjör bætt útí ásamt sýrópi og svo loks rjóminn og vanilludropar, leyft að malla a miðlungs hita þar til þykknar. Kælt áður en sett ofan á kökuna.

 ——————-

Súkkulaðikökur eru möst i stórum veislum fyrir börnin og þá órjómalystugu svo hér koma tvær góðar súkkulaðikökuuppskriftir

Djöflaterta

150 gr sykur
150 gr púðursykur
125 gr smjör
2 egg
260 gr hveiti
1 tsk matarsódi
1 tsk lyftiduft
½ tsk salt
2dl mjólk
1 tsk vanilla

Egg og sykur þeytt saman, bæta svo við smjöri og svo fylgja þurrefnin eftir.

2 form smurð, deiginu skipt milli formanna og  bakað við 180 gráður í 19-22 mínútur

Krem

500 gr flórsykur
60 gr kakó
1 egg
80 gr brætt smjör
Vanilla
2 msk tilbúið kaffi

——————–

Tuxido kaka

225 gr ósaltað smjör 
2 bollar vatn
1 bolli canola olía
4 bollar sykur
1 bolli ósætt kakó
4 bollar hveiti
4 egg
1 bolli súrmjólk
1 tsk matarsódi
½ tsk salt
1 tsk (rúmlega) vanilla

Smjör,olía og vatn sett á pönnu og hitað við vægan hita þar til smjörið er bráðið, sett til hliðar.

Í stórri skál er blandað saman sykri, kakó og hveiti. Olíu/Smjörblandan bætt við þurrefnin og þeytt vel saman. Eggin sett eitt og eitt úti, því næst súrmjólkin og að lokum er matarsóda, vanillu og salti bætt úti. Leyft að blandast vel saman. Skipt í 3 jafnstór kökuform og bakað við 180 gráður í um 35 mínútur.

Krem

4 bollar rjómi
¼ bolli flórsykur

Rjómi þeyttur til mjúkur, flórsykri bætt við þar til rjominn er fastur í skálinni þegar henni er hvolft.
Kremið sett á kökuna og kæld í ísskáp í minnsta kosti  klukkutíma áður en gljáinn er settur ofan á.

Súkkulaðigljái

115 gr súkkulaði
½ bolli rjómi
¼ bolli síróp
2 tsk vanilla

Setjið súkkulaðið í hitaþolna skál. Rjóminn hitaður upp að suðumarki og hellt yfir súkkulaðið og leyft að sitja í smá stund áður en hrært. Sírópi og vanillu bætt úti. Látið standa í 10 mínútur áður en blöndunni er hellt yfir kökuna. Skreytt með heilum jarðaberjum.

Gulrótarkaka

5 dl hveiti
Ca 2 tsk lyftiduft
1 ¼ tsk matarsódi
1 tsk salt
3 tsk kanill
2 tsk múskat
4 dl sykur
2 2/4 matarolía (rapsolia)
4 egg
5 dl rifnar gulrætur
Um 1 ½ tsk vanillusykur
1 msk púðursykur

Öllu blandað saman í deig

Sett í 2 smurð kökuform, bakað við 180 gráður í 40 mínutur eða þar til pinni kemur hreinn í gegn.

Krem

200gr rjómaostur
100 gr smjör- mjúkt við stofuhita
1 tsk vanilla
1 ½ - 2 pk flórsykur

Skreytt með gulrótaskrauti og heslihnetumulningi

———————

Brauðréttir eru alltaf vinsælir í öllum veislum og hér eru uppskriftir af tveimur brauðréttum

Pepperonilengja

1 box sýrður rjómi
2 msk mayones
Ca ½ rauðlaukur
Ca ½ rauð paprika
Ca 5 Skinkur
Ca 8 Pepperoni sneiðar
Paprikuostur/piparostur allt stappað saman
Rauð vínber ef vill

Smurt á brauðlengju, smá rifin ostur inni og ofan á með spá paprikudufti

Bakað í ofni á 18 gráðum í um 20 mínutur eða þar til brauðið er orðið gullinbrúnt

Heitur brauð réttur með skinku og aspas

Ristað brauð rifið í botninn á eldföstu formi.
Sveppasmurostur
2 msk mayones
2 tsk hunanangs dijon sinnep
Skorin skinku pk
1 dós Niðursoðin aspas
Niðursoðin sveppadós
Sletta rjómi

Rifin ostur yfir

Bakað í ofni á 18 gráðum í um 20 mínutur eða þar til brauðið er orðið gullinbrúnt

Gerbollur

25 gr ger
1 tsk salt
3 dl mjólk
500 gr hveiti
1 tsk sykur
25 gr smjör

Smjör brætt í örbylgjuofni, mjólk bætt úti og hrært, gerið leyst uppí mjólkurblöndunni þegar komið í 37 gráður. Þurrefnunum bætt útí og hnoðað vel. Látið hefast í skálinni með viskustykki yfir í um 30 mínútur.

Bakað í ofni við 180-200 gráður þar til gullinbrúnar.

Gott með osti og smjöri eða jafnvel ostasalati en hægt er að gera gott ostasalat með sama innihaldi og er í pepperonilengjunni.

Matur og kökur sem henta vel í ferminguna – Uppskriftir 

Einfaldar og góðar kökuuppskriftir í ferminguna 

Naan brauð er ótrúlega góð viðbót við allskonar mat en þó sérstaklega indverskan. Ef Naan brauð er á borðum á mínu heimili þá er það alltaf borðað upp til agna. Hér er uppskrift sem ég fékk frá einni vinkonu minni.

Naan brauð

11 gr þurrger
2 msk sykur
200 ml mjólk, ylvolg
600 gr hveiti
1 tsk salt
2 tsk lyftiduft
4 msk ólífuolía
180 gr hrein Jógúrt
1 msk maldonsalt
1 msk indversk kryddblanda (t.d. masala)
25 gr smjör
1 hvítlauksrif, pressað
knippi af fersku kóríanderlaufi

Ger, sykur og volgri mjólk blandað saman, Hveiti salt, lyftiduft, olía og jógúrt blandað saman við. Þetta er látið hefast í klst. ef tími gefst til, það sleppur alveg að hefa það ekki.

Bræðið smjör og setjið hvítlauksrif saman við og smyrjið yfir og kóríanderlauf klippt yfir brauðin.

Skerðu brauðið niður og flettu það út með höndunum, getur stjórnað stærð brauðanna sjálf/ur.

Bakist í 275°c ofni í 5-7 mínútur en svo má líka setja á grillið eða á  pönnu.

Vetur konungur skartar sínu fegursta um þessar mundir. Ég elda oft súpur þegar kalt er í veðri en líka þegar ég þarf að hreinsa til í ískápnum. Yfirleitt elda ég stóran skammt í einu vegna þess að súpur eru næstum alltaf betri daginn eftir. 
Ég á mér nokkrar uppáhalds, ein þeirra kemur úr fórum www.cafesigrun.com og hefur hún veitt mér góðfúslegt leyfi til að birta hana hér. Ég hreinlega elska uppskriftirnar hennar Sigrúnar og hef prófað þær margar í gegnum árin. Það góða við þær er að þær klikka aldrei og eru alltaf jafn bragðgóðar og ljúfengar. 
Til fróðleiks fyrir þá sem þola illa sykur, ger og hveiti notar hún aldrei slíkt í uppskriftir sínar. Hún er líka með úrval af grænmetis- og hráfæðiuppskriftum fyrir þá sem borða ekki kjöt.

Þessi súpa er stútfull af A, C og K vítamínum ásamt trefjum og hentar þeim sem eru með mjólkuróþol, glútenóþol og grænmetisætum. Ekki spillir að hún er ódýr, einföld og þægileg. Best er að nota matvinnsluvél, blandara eða töfrasprota til að mauka súpuna.

Gulrótar- og kókossúpa frá Cafe Sigrún
http://www.cafesigrun.com/gulrotar-og-kokossupa-fra-zanzibar
Fyrir 4

Innihald
•    1 stór laukur saxaður
•    2 msk ferskt engifer, saxað
•    4 hvítlauksgeirar, saxaðir
•    300 g gulrætur, afhýddar og saxaðar gróft
•    150 g sætar kartöflur, afhýddar og saxaðar gróft
•    2 tsk kókosolía og vatn til viðbótar ef þarf
•    1 tsk karrí
•    2 gerlausir grænmetisteningar
•    750 ml vatn
•    150 ml kókosmjólk
•    1 tsk salt (Himalaya eða sjávarsalt) ef þarf
•    Hvítur pipar, ef þarf
•    Smá klípa saffran (má sleppa en gefur fallegan lit)

Aðferð
1.    Afhýðið lauk, sæta kartöflu, engifer og hvítlauk og saxið gróft.
2.    Afhýðið gulræturnar og sætu kartöflurnar og saxið gróft.
3.    Hitið kókosolíuna í potti og steikið laukinn þangað til hann fer að linast. Ef vantar meiri vökva, notið þá vatn.
4.    Bætið hvítlauknum og engiferinu út í og steikið áfram.
5.    Bætið karríinu út í og hrærið vel.
6.    Bætið helmingnum af vatninu út í og svo gulrótunum og sætu kartöflunum. Hitið þangað til grænmetið fer að mýkjast.
7.    Bætið afgangnum af vatninu ásamt grænmetisteningunum út í og hrærið vel.
8.    Látið malla í 15 mínútur eða þangað til grænmetið er orðið mjúkt.
9.    Bætið kókosmjólkinni út í.
10.    Bætið saffrani út í ásamt salti og pipar eins og þarf.
11.    Maukið súpuna með töfrasprota eða í matvinnsluvél. Kælið súpuna aðeins ef þið setjið hana í matvinnsluvél og blandið í smá skömmtum.

Gott að hafa í huga
•    Berið fram með snittubrauði eða kókosbrauðbollum.
•    Ef þið viljið þynnri súpu bætið þá aðeins meira af vatni út í. Einnig getið þið haft súpuna grófari með því að blanda hana ekki lengi í matvinnsluvél. Mér finnst best að hafa hana eins silkimjúka án nokurra bita.
•    Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
•    Nota má aðra olíu en kókosolíu, t.d. vínberjakjarnaolíu eða repjuolíu.
•    Gerlausir grænmetisteningar fást í heilsubúðum og stærri matvöruverslunum.
•    Ef þið eruð ekki viðkvæm fyrir geri getið þið notað venjulega, lífrænt framleidda grænmetisteninga.
•    Ef afgangur er af kókosmjólkinni má frysta hana í ísmolabox og nota síðar, t.d. í svona súpur.

Við þekkjum öll umræðuna um það „hvað á að vera í matinn í kvöld“ og hversu leiðinleg þessi umræða getur verið. Ein aðferð til þess að sporna við því að þurfa að ræða þetta aftur og aftur, er að gera matseðil fyrir alla vikuna sem hægt er að fylgja. Þá sleppur þú við að taka þessa ákvörðun á hverjum degi og kemst líka hagstæðar frá matarinnkaupunum.

Hér er matseðill fyrir þessa viku:

Mánudagur

Heimagerður grjónagrautur og flatkökur með hangikjöti.

Aðferð

Setur um bolla af Tilda long grain rice í pott, setur svo vatn yfir svo það sé aðeins yfir grjónin, sýður niður en það tekur nokkrar mínútur og hræra stanslaust í. Bæta aðeins meir en 1L mjólk við. Salta. Það þarf slatta af salti í allan mat, smakkð ykkur óhrædd til við saltið.. Hræra stanslaust. Þegar grauturinn er farinn að þykkna er sett klípa af smjöri eða sletta af rjóma. Bætt mjólk við ef finnst grauturinn of þykkur. 2-3 tsk vanillusykur

Borin fram með kanilsykri og mjólk og borðað með flatkökum með hangikjöti

Ef afgangur er af grautnum getur verið sniðugt að henda í brauð..

Borgarbrauð

500gr hveiti
1 tsk salt
3 1/2 – 4 dl mjólk
6 tsk lyftiduft
1 msk sykur
2 msk grjónagrautur

Allt hnoðað saman í hrærivel þar til ur er komið brauðdeig.
Penslað með mjólk. Bakað við 200 gráður í ca 35 mínútur.. Eða þar til grillpinni kemur hreinn út.

Þriðjudagur

Hvítlauksbuff með tómötum og osti með sætkartöflumús

Um 300gr nautahakk
2 hvítlauksgeirar
1/2 gul paprika
1/2 rauð paprika
1 lítill laukur
1 egg
Sletta af mjólk ef þarf
Krydd.. T.d. Italian seasoning, sakt, pipar og hamburger krydd fra mc cormick
Ostsneiðar
Nokkrar tómatsneiðar
Allt grænmeti skorið vandlega niður, allt sett saman í skál og hnoðað saman og búið til buff.
Buffin sett á pönnu ásamt klípu af smjöri og smá ólífuolíu. Steikt þar til tilbuið, þurfa nokkrar mínútur á hvorri hlið. Tómatar settir ofan á hvert buff fyrir sig, ostsneið þar ofan á. Þar næst er álpappír settur yfir pönnuna til að leyfa ostinum að bráðna. Borið fram með sætkartöflu mús

Sætkartöflumús

Ca 800 gr sætar kartöflur
3 msk smjör
Salt og pipar
Smá sletta mjólk
Sletta sykur

Kartöflur afhýddar og soðnar í bitum því næst eru þær stappaðar með restinni af hráefnunum í pottinum.

Miðvikudagur

Kjúklingur í parmesanbrauðraspi með sætkartöflugratíni og kaldri hvítlaukssósu

Kjúklingabringur/lundir
Ca 2 Handfylli brauðteningar með hvítlauk
Ca 2 handfylli Cornflex
Rifin parmesan ostur, um hálfan ost
Italian salatdressing
Piripiri krydd
Gott kjúklingakrydd
Chili explosion
Kjúklingurinn er settur ásamt ca 3/4 af salatdressingunni í eldfast mót eða ziplock poka og geymdur inní kæli .
parmesan ostinum, cornflexinu og brauðteningarnir eru mulin í mylsnu með töfrasprota, kryddi bætt við og blandað vel saman. Þegar kjúklingurinn er buin að marinerast í klukkutíma er honum velt uppúr raspinu, steikt til að loka á pönnu og inní ofn í um 20 mínútur.

Sætkartöflugratín

Ein sæt kartafla
Piparostur
Matreiðslurjómi
Rifin mozzarella
Salt og pipar

Piparostur er bræddur í potti ásamt matreiðslurjóma.
Kartaflan er afhýdd og soðin í um 20 mínútur, þá er hún skorin í teninga og sett útí ostasósuna, (annar möguleiki að skera kartöfluna strax í teninga og þarf þar af leiðandi styttri eldunartíma) saltað og piprað og rifnum mozzarella er dreift yfir. Sett inní ofn þar til osturinn er bráðinn.

Fimmtudagur

Kjúklingasalat

Afgangs kjúklingur síðan í gær
Spínat og klettasalat
Konfekt tómatar
Rauðlaukur
Brauðteningar með hvítlauk
(Doritos)
1 pk beikon
Fetaostur og ca 3 tsk olía úr fetaostinum
SjávarSalt & pipar og alveg vel af því!
Parmesan ostur- rifin
Italian salatdressing og balsamikedik
Ristaðar Furuhnetur

Hvítlaukssósa

1 askja 18% sýrður rjómi
2- 3 hvitlauksrif (fer eftir stærð)
1/2 tsk aromat
Tsk sakt
1/2 tsk hvítur pipar

Föstudagur

Rucola pizza

Pizzudeig
1 msk ger
2 dl volgt vatn
1-2 msk olía
1 tsk salt
5 dl hveiti
Hnoðað í um 5 mínútur og leyft að lyfta sér í klst.
- það er líka hægt að fá góð deig hjá öllum helstu pizzastöðum á höfuðborgarsvæðinu.

Ofan á er gott að setja það sem er til í ísskápnum hverju sinni og muna að skera hráefnin í minni bita og byrja grunnin á sósu, hvítlauk og rifnum osti en góð álegg eru t.d. Rifin mozzarella Pepperoni,skinka, jalapeno, nautahakk (afgangur-voru bara notuð 300gr í buffinu) rauðlaukur, jafnvel tómatar, hvítlaukur, klettasalat, rjómaostur, svartur pipar og oregano.

Pizzasósa

1 dós tómatpúrra
2-3 msk vatn
Msk oregano
Msk timjan
Msk basillika
Msk marjoram
1-2 tsk sykur

Allt sett saman í pott og soðið við miðlungshita og kælt.

Laugardagur

Lasagne með pylsuhvítlauksbrauði

500 gr nautahakk
1 dós Heinz tómatpúrra
2 dósir niðursoðnir tómatar
1 dl vatn og nautateningur
Rauð paprika
4 hvítlauksrif
1 Rauðlaukur
4 gulrætur
1 grænt chilli
Lítil dós kotasæla
Gratín ostur
Jamie oliver lasagne plötu eða ferskar
Italian seasoning (oregano, basilikka,timjan)
Hamburger seasoning fra mccormick
Salt og pipa

Hakk brúnað á pönnu, grænmeti er skorið niður í litla bita, gulrætur, paprika chilli bætt útí og leyft að steikjast með, því næst er hvítlauk og rauðlauk hent útí. Vatn, nautateningur, Tómatpúrran og tómötunum bætt við. Leyft að malla smá þar til vatnið hefur gufað upp.

Lasagna plötur settar í botninn á eldföstu móti því næst kjötsósan og kotasæla yfir hana, endurtekið, toppað með rifnum osti. Best að nota hringlaga, djúpt mót. Eldað við 170-180 gráður í um 20 mínútur.

Pylsuhvítlauksbrauð með pepperoni

Pylsubrauð skorin langsum og svo til helminga
1 Askja hvítlaukssmjör – bráðið
Pepperoni skorin til helminga
1/2 rauð paprika skorin langsum
Rifin Cheddar ostur

Sunnudagur

Piparsteik með bakaðri kartöflu, Maís, hrásalati og Bernaise sósu

Flottar nautasteikur eru fáanlegar í öllum helstu kjötbúðum og stórmörkuðum landsins, t.d eru fínar steikur sem hægt er að fá í Krónunni á góðu verði. Gott er að leyfa kjötinu að vera við stofu hita þegar byrjað er að krydda það. Ólífuolia nuddað inn í kjötið ásamt grófu salti. Svartur pipar malaður í skál og nuddaður á allar hliðar kjötsins. Steikt uppúr smjöri og ólífuolíu. Maís-inn Er soðin samkvæmt leiðbeiningum og borin fram með smjöri og salti.

Bernaise sósa
5 eggjarauður stífþeyttar
300 gr smjör
2-3 tsk estragon
1/2 tsk hunangsdijon
1/2 tsk fljótandi nautakraftur
Sletta Bernaisee essene
Salt og pipar

Bræðið smjör í potti á lágum hita
Og stífþeytið eggjarauðurnar. Hellið smjörinu í mjórri bunu og hrærið í eggjablöndunni á meðan. Bætið við öðrum hraefnum og hrærið stanslaust í, á meðan. Má ekki upphita.

Þessi uppskrift fæddist bara í eldhúsinu fyrir ekki svo löngu. Mig langaði svo í einhvers konar kjúklingarétt með cesardressingu og ég átti þetta allt til í ísskápnum, sem er stundum svolítið gott því þá sleppur maður við að fara út í búð. Og þess vegna má nú líka alveg breyta þessari uppskrift eftir því hvað er til í skápunum hverju sinni.
Ég hef reyndar gert þetta bæði með því að vera með ferskar kjúklingabringur og svo eins notað kjúkling sem hefur verið afgangur frá deginum áður en þá hef ég bara skellt honum beint í dressinguna. Held að þetta sé svona réttur sem flestum líkar við en er ferskur og hollur.

2 kjúklingabringur
1 skammtur hummus (tilbúin eða heimagerður)
1 pakki burritos kökur minni tegund
1 poki kasjúhnetur
1 dós sýrður rjómi
5 msk Cesarsalat dressing
50 gr rifinn parmesanostur
50 gr rifinn mozzarella ostur
Kjúklingakrydd frá Nicolas Vahé eða eitthvað annað gott krydd
Hvítlaukskrydd
Salt og pipar eftir smekk
Spínat

Takið kjúklingabringurnar og skerið í strimla, steikið á pönnunni upp úr kjúklingakryddinu,salti og pipar. Blandið saman í skál sýrða rjómanum og cesar salat dressingunni. Rífið parmesaninn smátt út í sósuna. Takið síðan kjúklinginn og blandið honum saman við sósuna.
Blandið hummus saman eins og uppskriftin segir til um – en það er gott að gera það áður en maður gerir allt hitt því þá verður hann bragðmeiri.
Takið síðan burritos kökurnar og hitið saman tvær og tvær saman ofan á hver annarri inn í ofni við 150°C í 10 mínútur og passið að setja ekki neitt yfir þær því það er best að hafa þær aðeins stökkar. Síðan set ég hummus á milli tveggja burritos kaka, set svo aftur hummus ofan á, dreifi rifnum mozzarellayfir og set síðan fullt af spínati, kjúklinginn og að lokum kasjúhneturnar.
Þetta er svo einfalt en algjör snilld og svo bragðmikið og gott.

Frábær uppskrift frá vefsíðunni Gulur,rauður,grænn og salt.

Þetta er með betri máltíðum sem ég hef bragðað í..tja að minnsta kosti nokkra klukkutíma. Kjúklingurinn marineraður í hlynsýrópi, gott basilpestó, tómatar og grillaður fetaostur gefa þessum rétti tíu stjörnur.

Ég er mikið farin að nota úrbeinuð kjúklingalæri og finnst þau vera góð tilbreyting frá kjúklingabringunum og gerði það í þessari uppskrift, bæði er þó afbragð. Rétturinn er dásamlega fljótlegur í gerð og tagliatelle og góðu salati er þetta hin fullkomna máltíð hvort sem er á virkum degi eða yfir helgi.

Dásamlegt basilpestó látið á kjúklingabitana..verið óhrædd að láta vel af pestói

 Tómatsneiðum raðað yfir pestóið

Fetaosti dreift yfir allt og látið inn í ofn

Nýkomið úr ofni…hin fullkomna máltíð

Borið fram hér með tagliatelle og góðu salati

Basilkjúklingur með hlynsírópi og grilluðum fetaosti
600 g kjúklingabringur, skinnlausar (eða úrbeinuð kjúklingalæri)
1 krukka fetaostur í olíu
4 tómatar, skornir í sneiðar
ca. 200 ml hlynsíróp
basilpestó, aðkeypt td. frá SACLA eða heimagert (sjá uppskrift að neðan)

1. Hellið hlynsírópi í eldfast mót og setjið kjúklingabitana þar í. Sírópið ætti að ná ca. 2/3 upp á kjúklingabitana.
2. Látið rúmlega 1 msk af grænu pestó á hvern kjúklingabita.
3. Skerið tómatana í sneiðar og raðið yfir kjúklinginn.
4. Hellið olíunni af fetaostinum frá og dreifið fetaostinum yfir kjúklinginn.
5. Setjið í ofn við 200°c í um 40-50 mínútur eða þar til kjúklingurinn hefur eldast í gegn og fetaosturinn er orðinn gullinn

Heimagert basilpestó
50 g basilíka, stilkar fjarlægðir
2 hvítlauksrif
5 msk ólífuolía
3 msk furuhnetur
3 msk parmesanostur

1. Öll hráefnin sett í matvinnsluvél/töfrasprota og maukað vel saman.

Það er hægt að nýta prótínduft í margar uppskriftir þó flestir noti það einungis í sjeika fyrir og eftir æfingar.

Hér eru nokkrar einfaldar uppskriftir.

Hafragrautur

1 bolli hafrar
1 bolli mjólk
1 bolli bláber
1 skeið af vanillu prótíni

Setjið hafrana og mjólkina í örbylgjuofn. Blandið prótíninu við og setjið bláberin ofan á.

Amerískar pönnukökur

1 skeið hreint Whey prótín duft
30 ml vatn

Prótín duftinu og vatni er blandað saman og síðan steikt á pönnu.
Þessi uppskrift er einungis fyrri einn og einföld leið til að setja prótínduftið í nýjan búning.

Jarðaberjajógúrt

1 skeið jarðaberja prótínduft
180 ml hreint jógúrt/ab mjólk
1 tsk. kanill

Öllu er blandað saman í eina skál.

Hrærð egg

6 egg
1/4 bolli mjólk
1/2 skeið af bragðlausu prótíni
salt og pipar eftir smekk

Blandið öllu saman og steikið á pönnu líkt og gert er vanalega með hrærð egg. Bætið síðan salti og pipar við eftir smekk.

Ég einfaldlega bara elska skonsur, sérstaklega svona enskar skonsur með rjómaosti og sultu. Það er bara svo ljúft að fá sér þær annað slagið – skella í nokkrar svona að kvöldi til í miðri viku og fá sér í morgunmat með kaffinu. Þessi uppskrift er alltaf svo góð og skonsurnar verða svo léttar og góðar.

450 gr hveiti
80 gr mjúkt smjör
50 gr sykur
2 egg
5 tsk lyftiduft
250 ml mjólk
1 egg til að bera ofan á skonsurnar

Forhitið ofninn í 220°C. Takið bökunarplötuna og setjið bökunarpappír á hana.
Setjð hveitið í skál og takið smjörið og nuddið út í saman við hveitið þangað til áferðin verður eins og brauðmylsna. Bætið þá sykrinum, lyftiduftinu og egginu saman við með sleif og passið að hræra ekki of mikið. Bætið síðan mjólkinni út í en deigið verður frekar blautt viðkomu.
Hnoðið saman en passið upp á að hnoða ekki lengi og bætið hveiti við svo að það festist ekki við borðið. Rúlluð út með kökukefli þannig að deigið er c.a 2.5 cm að þykkt og skerið þá út litla hringi með glasi eða öðru sem þið eigið til að mynda hring. Raðið á plötuna og burstið smá eggi yfir hverja og eina en passið upp á að eggið leki ekki meðfram köntunum því þá geta þær fallið. Bakið í 15 mínútur.

Þessi einfaldi kjúklingaréttur varð bara til í eldhúsinu heima um daginn. Kjúklingur með hvítlauk, engiferi og teriyaki sósu er sko alveg match made in heaven!!! Klikkar aldrei þessi samsetning.

2 kjúklingabringur
2 hvítlauksrif pressuð
3 cm ferskt engifer rifið
ólífuolía
1 dl teriyaki sósa(eða eftir smekk)
1 dós kókósmjólk
salt og pipar
lúka ferskt kóríander(smátt saxað)
1 rauður chilli fræhreinsaður og smátt saxaður
1 tsk cayenne pipar
Hýðishrísgrjón
Fetaostur

Byrjið á því að sjóða hrísgrjónin því þau taka 45 mínútur að sjóða ef maður er með hýðishrísgrjón.
Skerið kjúklinginn í strimla, setjið olíu og pressaðan hvítlauk á pönnu og engiferið og steikið aðeins áður en þið bætið kjúklingnum út í og steikið hann þangað til hann er steiktur í gegn. Takið þá teriyaki sósuna og hellið yfir ásamt kókósmjólkinni, kryddið eftir smekk og látið malla í smá tíma. Bætið þá chilli út í og kóríander. Þegar ég er búin að sjóða grjónin skola ég þau aðeins og bæti svo út í þau fetaostinum og smá kóríander í viðbót. Nú svo er bara að njóta!

Dröfn Vilhjálmsdóttir heldur úti blogginu eldhussogur.com þar sem hún birtir allskonar ómótstæðilegar uppskriftir. Þessi uppskrift er ein af hennar allra vinsælustu og við höfum fengið góðfúslegt leyfi til að birta nokkrar vel valdar á Hún.is. Ef þú vilt fylgjast með Dröfn á Facebook getur þú nálgast síðuna hér.

Eins og það er gaman og nauðsynlegt að fara í frí svona endrum og sinnum þá er alltaf jafn gott að koma heim aftur. Það þykir mér að minnsta kosti. Þrátt fyrir vandræðalega mikla flugþreytu og svefnleysi hjá heimilisfólki hér í gær gat ég eiginlega ekki beðið eftir að komast aftur í eldhúsið mitt. Ég eyddi talsverðum tíma í fríinu í að glugga í matartímarit og eftir að hafa rekist á girnilega uppskrift að grísakótilettum í Cooking Light hugsaði ég mér gott til glóðarinnar að elda eitthvað svipað þegar heim var komið. Útkoman var einstaklega góð og mér þykir þetta upplagður föstudags- eða helgarmatur.

Appelsínugljáðar grísakótilettur með sinnepi og rósmarín (fyrir 4):

• 5 grísakótilettur með beini
• Safinn úr tveimur stórum appelsínum (u.þ.b 2 dl)
• 2 msk appelsínumarmilaði
• 2 msk grófkorna sinnep
• 1 hvítlauksrif smátt saxað eða rifið á rifjárni
• 3-4 ferskar rósmaríngreinar eða 2 tsk þurrkað
• Salt og pipar

Aðferð: Hitið ofn í 180 gráður. Pískað saman í skál appelsínu safa, marmilaði, sinnepi, hvítlauk og kryddið með smá salti og pipar og 1 tsk af söxuðu rósmarín. Kryddið kjötið með salti og pipar og steikið á vel heitri pönnu þar til vel brúnað. Færið kjötið yfir á disk. Hafið pönnuna á meðalháum hita og hellið vökvanum á. Hleypið suðunni upp og leyfið að sjóða í 5 mínútur eða þar til sósan hefur aðeins þykknað. Leggið kjötið þá aftur á pönnuna og veltið vel upp úr sósunni. Leggið rósmaríngreinar ofan á og bakið í ofni í 8-10 mínútur eða þar til kjötið er eldað í gegn. Berið fram með fersku salati.

Fyrir nokkru síðan prufaði ég veisluþjónustu Tapas barsins við frábærar undirtektir gesta og þá sérstaklega þeirra erlendu sem sátu til borðs.  Langar að deila með ykkur hversu dásamlega færir þeir Carlos og Bento eru.  Í mínu tilfelli þá var von á 12 hraustum karlmönnum í mat og hugmyndaflugið mitt náði ekki lengra en í símann og hringja á Tapas og útskýrði að þetta væri „SOS“ símtal.  Ég viðurkenni fúslega að þegar að kemur að halda veislu er ég ekki alveg sú besta í hugmyndarflugi hvað skal bera fram.

Það sem ég bar fram þennan var t.d Tapas snittur með djúpsteiktum humar og alioli, Tapas með andarbringu, Tapas með nautacarpaccio og balsamic.  Og það sem vakti mikla lukku hjá erlendum gestum voru litlu hamborgararnir „Bocadillo hamburguesa“ og sló rækilega í gegn.

Nautalund með Pesto.  Kjötbollu með romesco og manchego ost.  Hrefnu tataki með sesam-chilisósu. Andabringa með Malt og Appelsín sósu.  Mér finnst hamborgarnir vera alger snilld og hittir beint í mark hjá gestum.

Ekki má gleyma Tapas á spjótum í veisluþjónustunni og eru algert lostæti.

Ég pantaði líka Tapas í boxi og lambið í lakkrís er AMAZING.  Þessi veislumatur hentaði vel hérna heima hjá mér þar sem sumir vildi ekki stiga einu skrefi frá veisluborðinu og því frábær kostur ef þú ert með „standandi veislu“

Maturinn var hreint út sagt frábær og vegna anna þá náði ég ekki að vera með myndavél (símann nú til dags) á lofti svo að ég vona að Bento og félagar á Tapas barnum ljái mér það ekki að fá lánaðar myndir frá þeim.  En þetta er eina myndin sem ég tók af umræddum degi!

Ég mæli svo sannarlega með veisluþjónustu Tapas barsins við öll tækifæri.

Held að þessi sé einn sá einfaldasti sem ég hef gert og með þeim betri sem ég hef smakkað. Þetta er uppáhalds réttur fjölskyldunnar sem er eldaður með mjög reglulegu millibili eða svona næstum því einu sinni í viku. Það eru örugglega mjög margir sem hafa prófað þennan rétt en ég hvet ykkur til að skella í þennan fljótlega!

4 kjúklingabringur
1 dós mangó chutney
200 gr smjör
3 msk karrý
1 dl hvítvín eða hvítvínsedik

Hrísgrjón

Forhitið ofninn í 180°C. Bræðið saman í potti smjörið, hvítvínið og karrýið og látið það malla í nokkrar mínútur eftir að smjörið hefur bráðnað. Skerið kjúklingabringurnar í tvennt og raðið í eldfast mót. Hellið smjörblöndunni yfir kjúklinginn og setjið í ofninn. Eldið í 25 mínútur en takið þá út og dreifið mangó chutney yfir allar bringurnar og skellið aftur inn í ofninn í 15-20 mínútur í viðbót.
Sjóðið hrísgrjón og gerið gott salat með, svo er bara að annað hvort baka sitt eigið naan brauð eða kaupið tilbúið og skellið í ofninn.

Concha y Toro er stærsti vínframleiðandi Chile þeir eru með vínekrur og framleiðslu um allt landið ein af þeim tegundum sem hann framleiðir er einmitt . Casillero del Diablo.

Casillero del Diablo nafnið er kennt við djöfullinn og segir sagan að nafnið sé komið til frá víngerðarmanninum sem sagði að djöfullinn ætti heima niðri í kjallaranum þar sem bestu vínin hans voru geymd og engin þorði niður nema hann sjálfur.

En fyrst og fremst eru þeir þekktir í seinni tíð fyrir ferska framsetningu og góða markaðsetningu á frábærum vínum sem henta sem flestum sem vilja vín með matnum eða bara eitt og sér í notalegheitum.

Tegundin sem ég fjalla um hérna þessa vikuna er Merlot / 2012 árgerðin frá  Rapel Valley í Chile.

Þetta er frekar kraftmikið vín það er mjög kryddað, Rúbínrautt. Meðalfylling, ósætt, fersk sýra, miðlungstannín. Rauð ber, plóma, létt eik.

þetta er ansi mikið vín og hentar einkar vel með ítölskum pasta réttum og góðum medium steiktum nautasteikum.

Það er nokkuð ljóst að þú ert að gera góð kaup með þessa flösku

Vín: Casillero del Diablo
Tegund: Merlot
Árgerð: 2012
Vol: 13.5%
Verð: 1950

Hver elskar ekki muffins, eða epli nú eða súkklaði. Ég set súkkulaði í þessar á góðum dögum sem eru nú eiginlega alltaf. Þessi uppskrift er fljótleg og góð og ég hef það alltaf fyrir sið að setja aðeins meira haframjöl en uppskriftin segir til um sem gerir það að verkum að þær verða alveg geggjaðar. Þessar fékk ég fyrst hjá henni Siggu vinkonu minni og féll gjörsamlega fyrir þeim.

2 egg
2 dl sykur
1 tsk lyftiduft
1 1/2 dl hveiti
1/2 tsk vanilluduft
1 dl olía
2 dl haframjöl
1 dl ab mjólk
2 epli skorin í bita
100 gr af súkkulaði

Blandið saman egg og sykur og þeytið þangað til það er létt og ljóst. Bætið þá öllu hinu hráefninu saman við en þá verður deigið þykkt og gott. Að lokum er gott að blanda eplunum út í sem ég er búin að skera í bita og gróft söxuðu súkkulaði.
Setjið í 12 muffinsform og fyllið þau vel því það er svo fallegt að sjá þær standa vel upp úr formunum.

Bakið við 200°C í um 20 mínútur eða þangað til að þær eru orðnar fallega gullinbrúnar á litinn.

Þessi samsetning klikkar ekki. Ég er ekki mikið fyrir að flækja salatið sem ég hef með matnum. Mér finnst best að hafa það einfalt og gott – af hverju að flækja hlutina þegar þeir geta verið einfaldir.

1 poki spínat
1 bakki tómatar
1 poki ferskur mozzarella ostur
Balsamik síróp
Ólífuolía
salt og pipar
1 pakki núðlusúpa(nota hana stundum)

Svo er bara að smella þessu saman. Spínat í skál, skera tómatana í báta og rífa mozzarella kúlurnar yfir. Síðan tek ég núðlurnar úr pakkanum og brýt þær niður og rista á pönnu smá tíma, dreifi þeim svo yfir salatið. Að lokum dreifi ég ólífuolíu yfir og balsamik sírópinu og krydda með smá salti og pipar.

Það er tvennt í þessu – annars vegar að láta tómatana standa á borðinu í allavega sólarhring því þá verða þeir svo rauðir og sætir á bragðið og svo er það að auðvitað getið þið notað furuhnetur eða einhverjar aðra hnetur í salatið í staðinn fyrir núðlurnar. En ég nota stundum hnetur þegar ég ætla að gera extra vel við okkur en þess á milli er algjör snilld að nota núðlurnar því þær eru svo ódýrar og það er svo gott að fá smá svona í salatið sem er smá bit í með.